February 12, 2009

Valentine's Day

പ്രണയത്തിന്റെ ആദ്യാക്ഷരങ്ങള്‍
നീയെന്‍ ഹൃദയത്തില്‍ കുറിച്ചപ്പോള്‍ നിന്‍ വിരല്‍ തുമ്പില്‍
നോവിന്റെ ചോരത്തുള്ളികളായിരുന്നു.

പ്രണയത്തിന്റെ പൂക്കാലം നീയെന്നില്‍ പകര്‍ന്നപ്പോഴും
എനിക്ക് തിരിച്ചു നല്‍കാനായത് നേര്‍ത്തൊരു മൌനം മാത്രം;
ഗര്‍വ്വിന്റെ മൌനം.

ഇന്നിപ്പോള്‍ കാലങ്ങള്‍ക്കപ്പുറം ഞാനാ പ്രണയം തിരിച്ചറിയുന്നു.
കാലം കുടഞ്ഞിട്ട കടലാസുപൂക്കളില്‍
വീണ്ടും വര്‍ണ്ണങ്ങള്‍ ചാലിക്കാനെന്ന പോലെ.

പക്ഷെ നീയിന്നു ആയിരം ഹൃദയകാതങ്ങള്ക്കപ്പുറത്താണ്.
തിരികെ നല്‍കാന്‍ പ്രണയത്തിന്റെ നറുമഴതുളളികള്‍ മാത്രം ബാക്കി.
നീയിന്നറിയണം;
പരസ്പരം നമുക്കു മിഴികളില്‍ അഭയം തേടാം,
അതിന്റെ ആഴങ്ങളില്‍ നമുക്കു ചാടി മരിക്കാം.

Happy Valentine's Day.
But Please dont wait for a special day to express your love.
Celebrate each day as lovers day.

Love for humanity, love for kindness, love for the existence of this beautiful world.

No comments: